चेस च्याम्पियनसिपमा नेपालको प्रतिनिधित्व गर्दै शुक्लाफाँटका पन्त युएई प्रस्थान

शुक्लाफाँट नगरपालिका वडा नम्बर ५ का हार्दिक पन्त एसियाली युथ चेस च्याम्पियनसिपमा प्रतिस्पर्धा गर्न युएई प्रस्थान गरेका छन् ।

 

१० वर्ष मुनिको चेस च्याम्पियनसिपमा प्रतिस्पर्धा गर्न नेपालको प्रतिनिधित्व गर्दै उनी मंगलबार युएई प्रस्थान गरेका हुन् ।

डिसेम्बर १२ देखी २२ सम्म युएईको अल एनमा आयोजना गरिएको २५ औँ एसियाली युथ चेस च्याम्पियनसिपमा सहभागि हुन पन्त त्यसतर्फ प्रस्थान गरेका हुन् । नेपाल बुद्धिचाल संघका कोषाध्यक्ष तारा रानाभाटको नेतृत्वमा उनी युएई गएका हुन् ।

उनी नेपालमा आयोजना गरिएका चेस च्याम्पियनसिपमा प्रथम हुँदै आएका थिए । उनी पुष्पसदन माध्यमिक विद्यालय किर्तिपुरमा कक्षा ४ मा अध्ययनरत छन् ।