सक्सेस एकेडेमीमा निशुल्क आँखा शिविर हुने

गल्छी खबर। धादिङ गल्छी गाउँपालिका वडा नं ६ स्थित सक्सेस एकेडेमीको प्राङ्गणमा निशुल्क आँखा शिविर सञ्चालन हुने भएको छ ।

यही कात्तिक १६ गते तिलगंगा आँखा प्रतिष्ठान र सक्सेस एकेडेमीको आयोजनामा गल्छी गाउँपालिका वडा नं ६ स्थित रहेको सक्सेस एकेडेमीको प्राङ्गणमा निःशुल्क आँखा शिविर हुने भएको छ ।

शिविरमा मोतिया विन्दुको समस्या देखिएका बिरामीहरुलाई कात्तिक १७ गते बिहान ११ बजे सक्सेस एकेडेमी देखि काठमाडौँ लाने १८ गते शल्यक्रिया गर्ने र १९ गते घर फर्कने व्यवस्था मिलाईएको छ। खाने, बस्ने र उपचारको खर्च आयोजकलले नै व्यहोर्ने गरी मोतियाबिन्दुको निशुल्क उपचार गराईने सक्सेस एकेडेमीका शिक्षक रामचन्द्र अर्यालले जानकारी दिए ।