गल्छी गाउँपालिकाको आयोजनामा गल्छी पालिका स्तरीय बुद्धिचाल प्रतियोगिताको उपाधि बलराम भण्डारीले उचालेका छन् ।
गल्छी गाउँपालिकाले पहिलो पल्ट आयोजना गरेको बुद्धिचाल प्रतियोगितामा ४.५ अंकका साथ बलराम भण्डारीले समान अंकका आशिष लामिछानेलाई मस्ट प्ले विथ व्ल्याक टाईब्रेकका आधारमा पछि पारेका हुन्।
स्वीस लिग प्रणाली अनुसार पाँचौ चरणसम्म भएको प्रतियोगितामा विजेता समान ४.५ अंक बटुलेका आशिष लामिछाने दृतिय भए भने ४ अंक बटुलेर प्रोगेसिपका आधारमा विष्णु मिश्रले समान ४ अंक बटुलेका उज्वल सापकोटालाई पछि पारेका थिए ।
विद्यार्थीहरुलाई पनि खेलकुदमा सहभागिता जनाउन प्रोत्साहन गर्दै उत्कृष्ट विद्यार्थीको पुरस्कार दिने गरी आयोजना गरिएको उक्त प्रतियोगितामा द राइजिङ भिलेज माध्यामिक विद्यालयका सुजित ठकुरी उत्कृष्ट विद्यार्थीको रुपमा विजयी भएका थिए।
बागेश्वरी माध्यामिक विद्यालय बैरेनीमा सम्पन्न भएको बुद्धिचाल प्रतियोगितामा प्रथम हुनेलाई नगद पुरस्कार रु ६००० दृतिय हुनेलाई नगद पुरस्कार रु ४००० तृतीय हुनेलाई नगद पुरस्कार रु ३००० र सान्त्वना हुनेलाई नगद पुरस्कार रु १५०० र उत्कृष्ट विद्यार्थीलाई नगद पुरस्कार रु १००० प्रदान गरिएको गल्छी गाउँपालिका शिक्षा युवा तथा खेलकुद शाखा प्रमुख पेमा दोर्जे थोकरले बताएका छन् ।
0 Comments