गल्छी खबर। नमुना बागेश्वरी बहुमुखी क्याम्पस, गल्छी धादिङमा भाद्र १६ गते अन्तर क्याम्पस बुद्धिचाल प्रतियोगिता हुने भएको छ।
नमुना बागेश्वरी बहुमुखी क्याम्पसको आयोजना तथा धादिङ जिल्ला बुद्धिचाल संघको सहकार्यमा आगामी भाद्र १६ गते नमुना बागेश्वरी अन्तर क्याम्पस बुद्धिचाल प्रतियोगिता संचालन गर्न लागेको क्याम्पस प्रमुख बलराम खतिवडाले बताउनुभयो।
प्रतियोगिताको विजेताले १० हजार रुपैयाँ प्राप्त गर्नेछन् भने दोस्रो हुनेले ७ हजार रुपैयाँ पाउनेछन् । त्यस्तै तेस्रो हुनेले नगद ४ हजार रुपैयाँ चौथो हुनेले ३ हजार रुपैयाँ र उत्कृष्ट महिलाले २ हजार रुपैयाँ पाउने आयोजकले जनाएको छ ।
प्रतियोगिता अन्तर्राष्ट्रिय फिडे नियम अनुसार खेलाईने र प्रतियोगितामा सहभागिता जनाउन भाद्र १५ गतेभित्र दर्ता शुल्क प्रति खेलाडी रु ३०० तिर्नुपर्ने छ भने एउटा क्याम्पसबाट बढीमा ५ जना मात्र सहभागी हुन पाउने छन्।
0 Comments