धादिङको छहरा नजिकै त्रिशुली नदीमा बस‌ खस्यो

धादिङ, गल्छी खबर। काठमाडौंबाट पोखरा जाँदै गरेको प्रदेश ३-०१-००५ ख ९९५२ नम्बरको बस पृथ्वी राजमार्गको गजुरी नजिकै त्रिशूली नदीमा खसेको छ ।

घटनास्थलमा सुरक्षाकर्मीसहित उद्धार दल परिचालन भएको छ । दुर्घटनामा घाइते भएकाहरुको गजुरी सामुदायिक अस्पतालमा उपचार भइरहेको छ । दुर्घटनापछि उद्धारका लागि प्रहरी परिचालन भएको इलाका प्रहरी कार्यालय गजुरीका वरिष्ठ प्रहरी हवल्दार सूरवीर बुमीले जानकारी दिए ।

बस नदीमै खसेको हुँदा केही बगेको र केही बसमै च्यापिएको प्रहरीले अनुमान गरेको छ । नदीमा पानीको बहाव बढेकाले सहज रुपमा उद्धार गर्न कठिनाइ भइरहेको उद्धारकर्मीहरुले जनाएका छन् ।

दुर्घटनाको थप विवरण आउन बाँकी छ ।