जैसवाललाई नेपाल खेलकुद महासङ्घ समाजवादीले गर्यो सम्मान

काठमाडौं । बुद्धिचालमा नेपालको प्रतिनिधित्व गर्दै विश्वकप खेलेका नेपाल च्याम्पियन रुपेश जैसवाललाई नेपाल खेलकुद महासङ्घ समाजवादीले सम्मान गरेको छ।

फिडे मास्टर रुपेश जैसवाल २ सय ६ खेलाडीमध्ये वरीयतामा तीन खेलाडीभन्दा मात्रै माथि थिए । अर्थात् २ सय ३ स्थानमा थिए । उनका प्रतिस्पर्धी गेदिर ५४ औं स्थानमा थिए । त्यसैले २१२२ रेटिङका रुपेशलाई आयोजक देश अजरबैजानका २६६१ रेटेड गेदिरसँग भिड्नुपर्ने अवस्था आएको थियो । जैसवालले अजरबैजानको बाकुमा भइरहेको फिडे चेस विश्वकप रेटिङमा ५ सय ३९ स्थान माथिका ग्रान्डमास्टर (जीएम) गेदिर गुसेनोभ सँगको दोस्रो खेल बराबरीमा टुंग्याएका थिए यो नै उनको ठूलो सफलता थियो।