थाक्रे पालिका स्तरीय वक्तृत्वकलाको उपाधि पौडेललाई

थाक्रे । अन्तराष्ट्रिय युवा दिवसको अवसरमा धादिङको थाक्रेमा पालिकास्तरिय वक्तृत्वकला प्रतियोगिता भएको छ ।

सिड्स नेपालको आयोजनामा सम्वृद्ध नेपालका लागि स्वस्थ, मेहनती र उद्यमशिल युवा विषयक वक्तृत्वकला प्रतियोगितामा सुजता पौडेल प्रथम भएकी छिन् । यस्तै प्रतियोगितामा सँगिता रिमाल द्धितिय, ज्ञानी आले मगर तृतीय र लक्ष्मी विडारीले सान्तवना स्थान हासिल गरेका छन् ।

प्रतियोगितामा प्रथम, दृतिय, तृतिय र सान्तवना हुनेहरुलाई प्रमाणपत्र सहित क्रमश : दुई हजार पाँच सय, दुई हजार, एक हजार पाँच सय र एक हजार रुपैँया प्रदान गरिएको आयोजक सँस्थाका कार्यकारी निर्देशक गोकर्ण रुपाखेतीले बताए । प्रतियोगितामा १२ जनाले सहभागिता जनाएका थिए ।