गल्छीमा धारिलो हतियार प्रयोग हुदा एकको मृत्यु

गल्छी खबर । धादिङको गल्छि गाउँपालिका वडा नं ८ का विनोद थापा मगरको धारिलो हतियार प्रहारपछि ज्यान गएको छ ।

होटलमा सामान्य विवादका कारण चक्कु प्रहार गरि घाइते भएका २६ वर्षिय मगरको काठमाडौमा उपचारका क्रममा ज्यान गएको जिल्ला प्रहरी कार्यालय धादिङका प्रहरी उपरिक्षक गौतम मिश्रले जानकारी दिनुभयो । 

‘बुधबार राति करिव १२ वजेतिरको घटना हो । ग्राहकको रुपमा होटलमा आएका विनोद र होटल सञ्चालकविच सामान्य भनाभन भएपछि घटना घटेको हो । चक्कु प्रहार गरी घाइते बनेका मगरको उपचारका क्रममा ज्यान गयो ।

छानविनका लागि होटल सञ्चालक सरस्वती पण्डित र उनका छोरा निरज पण्डित प्रहरीको नियन्त्रणमा छ । होटलमा खाना खान आएका अन्य ४ जना ग्राहकलाई सोधपुछका लागि नियन्त्रणमा लिइएको हो ।’ एसपी मिश्रले बताउनुभयो ।

अहिले गल्छि नुवाकोट त्रिशुली सडक खण्ड अवरुद्ध रहेको छ । घटनापछि पिडित पक्षले उक्त सडक खण्ड अवरुद्ध गरेका हुन् ।