धुनिबेशी आदर्श क्याम्पसको सभापतिमा अनेरास्ववियूका रोशन नेपाल विजयी

धादिङ । धादिङको धुनिवेशी नगरपालिका वडा नं ३ मा रहेको धुनिवेशी आर्दश क्याम्पसको स्ववियु सभापतिमा अनेरास्ववियूका रोशन नेपाल विजयी भएका छन् ।

आज सम्पन्न यस क्याम्पसको स्ववियु निर्वाचनमा नेपाल कम्युनिष्ट पार्टी (एकीकृत समाजवादी) निकट अनेरास्ववियू र नेपाली कांग्रेस निकट नेविसङ्घको संयुक्त प्यानलबाट सभापतिका उम्मेदवार रोशन नेपालले ८७ मत ल्याई विजयी हुँदा प्रतिद्वन्दी नेपाल कम्युनिष्ट पार्टी एमाले निकट अनेरास्ववियु र माओवादी केन्द्र निकट अखिल (क्रान्तिकारी)को सयुक्त प्यानलका सिर्जना केसीले ६२ मत ल्याएका थिईन ।

यस्तै नेवि संघबाट रञ्जिता बस्नेत सचिव, रश्मि राई कोषाध्यक्ष, रेजिना मिश्र र दिपेश तामाङ सदस्य पदमा विजयी भएका छन भने अनेरास्ववियूबाट सदस्यमा सुनिता विशुंखे विजयी भएकी छिन ।