 |
| Photo source :- utshav Fb |
गल्छी खबर,चैैत्र २७।
जीवन र सङ्घर्ष !
-उत्सव चौलागाईं
कहिले लड्छ कहिले उठ्छ
कहिले छालहरूसँग लहरिन्छ
कहिले आँधी र हुरीसँग बेरिन्छ
अनि कहिले फुल्छ कहिले झर्छ ।
भोको पेटलाई एकातिर थन्क्याएर
जीवन र सङ्घर्षको यात्रा गरिरहेका
ती महान् मानिसहरू छ्याप छ्याप्ति भेटिन्छन् पाइलै पिच्छे ।
हलो र गोरुसँग नारिएर टन्टलापुर घाममा
पटपटी फुटेका पैताला घिसार्दै
पसिनाका धाराले नुहाउँदै
वर्गीय छातीहरू इमानले बाँचेका छन् ।
ती चाउरी परेका अनुहारहरूमा
पुँजीवादी किरिम छैन
सत्ताको उन्माद थाहा छैन
माटोको बास्ना छ प्रेमिल
अहंकारको रेखा देखिँदैन
विभेदको कुनै ऐन छैन ।
मजदुर हुनु
बेइमानीहरूको भिडबाट अलग हुनु हो ।
श्रमजीवी हुनु
छालछाम र बिचौलिया जीवनबाट टाढा हुनु हो ।
सङ्घर्ष एकैखाले हुँदैन
ऊ पसिनाको खेती गरेर दाते चढेपछि
भकारी भरिन्छ भन्ने बुझ्दछ ।
झुटको खेती गरेर बुलेटप्रुफ चढ्नेहरूको
के भरिन्छ ?
यो सङ्घर्ष तपाईं बुझ्नुहुन्छ कि ?
0 Comments