पितृ उद्धारको निम्ति गुरु हरि बोहरा आज र भोली गल्छीमा रहने

गल्छी खबर, फाल्गुण ५। श्री छाङ्गेश्वर महादेव मन्दिर र छाङ्गादेवीको मन्दिर स्थान संरक्षण तथा पर्यटन विकास समितिको आयोजनामा आज र भोली गल्छी गाउँपालिका वडा नं ८ मा अवस्थित श्री छाङ्गेश्वर महादेव मन्दिर प्राङ्गणमा पितृ उद्धार कार्य गरिने भएको छ। 

हिन्दुहरुको विशेष पर्व महाशिवरात्रिको पावन अवसरमा रामेछाप कल्याणकारी सघंको सह आयोजनामा तान्त्रिक एवं वैदिक विधिद्वारा तान्त्रिक युवा ज्योतिष श्रदेयः गुरु हरि बोहरा ज्यूबाट कुल सुधार एवं पितृ उद्धार कार्यक्रम आयोजना गरिएको जानकारी मन्दिर समितिका अध्यक्ष खिम प्रसाद अमगाईले बताउनुभयो।

१०८ कलश स्थापना गरि सुरु गरिएको कार्यक्रममा १०८ दिप प्रज्ज्वलन, भागवत पाठ, चण्डी पाठ, रुद्री पाठ एवं अकालमा मृत्युवरण भएकाहरुको आत्मा शान्तिको लागि विविध कार्यक्रम गरिने गुरु बोहराले बताउनुभयो।