जीवनको एउटा सुन्दर परिभाषा बताइदिनोस् न?

-डा.उत्सब चौलागाईं

तपाईंलाई के लाग्छ ?

जीवनको एउटा सुन्दर परिभाषा बताई दिनोस् न

म तपाईंसँग कुनै परीक्षा लिन खोजिरहेको छैन

तपाईंलाई के लाग्छ ?

जानेबुझेकाहरू भन्छन्

मान्छे स्वयम् चाहेर जन्मेका होइनन्

नचाहेर नजन्मेका पनि होइनन्

बुद्धिजीवीहरू भन्छन्

मान्छे जन्मनु सबैभन्दा ठूलो संयोग हो

भयङ्कर आविष्कार हो

प्रकृतिको सुन्दर र अनुपम सिर्जना हो

अनमोल उपहार हो ।

जन्मपछि प्रारम्भ हुन्छ जीवन

जन्म पाइन्छ तर जीवन खोज्नुपर्छ

जीवनको खोजी गर्नु एउटा कला पनि हो

यस्तै भन्छन् जीवन पढाउने गुरुहरूले पनि ।

म त जीवन खोजेर हिँडेको मान्छे

जीवन कहाँ छ ?

बताइदिनोस् न ।

अनुत्तरित प्रश्न नसोध्नू भन्छन्

जीवनका आयामहरूलाई

केलाउदै, भोग्दै , रमाउँदै

आनन्दित हुँदै अगाडि बढ्नू मात्र भन्छन्

इतिहासविद्हरू ।

भैँसीलाई सिङको भारी हुँदैन

जीवन सजिलोका लागि हो

अप्ठ्याराे पनि जीवन हो

तर जीवन भारी , बोझ , बाध्यता होइन

यसै भन्छन् नवअग्रगामीहरू।

धार्मिक गुरूहरू भन्छन्

जीवन

विवेकको प्रयोग हो

एक हिस्सा ठट्टा हो

जीवन आत्मविश्वास हो

जागर र उत्साह हो

जीवन रसमय छ

जीवन धर्म हो ।

बाध्यताको जीवनले

स्वतन्त्रता नष्ट गर्छ

क्षमताको क्षय हुन्छ

जीवनको सही अर्थ निर्माण गर्न सक्दैनौँ

कुनै बिषयमा गहिरिन सक्दैनौँ

र निष्कर्षमा पुग्छौँ -

निरस हुन्छौँ / निराश हुन्छौँ

दार्शनिकहरू अचेल यसरी लेखिँदा रहेछन् ।

त्यसपछि -

बाँच्दैनौँ - बाँचिदिन्छौँ

हाँस्दैनौ - हाँसिदिन्छौँ

खाँदैनौ - खाइदिन्छौँ

गर्दैनौँ - गरिदिन्छौँ

लाउँदैनौँ - लाइदिन्छौँ

भोग्दैनौँ - भोगिदिन्छौँ

यी सबै भोगाइहरू र बाध्यताको जीवन

बाँच्नेहरूको अनुभुति र