वडा नं १, २, ३, र ४ को विजय यात्रा सगैं सुरु भयो गल्छीमा भलिबल प्रतियोगिता

गल्छी खबर। धादिङको गल्छी गाउँपालिकामा अन्तर वडा स्तरीय खुल्ला पुरुष भलिबल प्रतियोगिता आजदेखि सुरु भएको छ।

गल्छी ८ छाङ्गेश्वर महादेव मन्दिर परिसरमा रहेको छाङ्गेश्वर खेल मैदानमा सुरु भएको उक्त प्रतियोगिता प्रमुख अतिथि गाउँपालिका अध्यक्ष केदारनाथ खतिवडाबाट उद्घाटन गरिएको हो ।

गल्छी गाउँपालिकाले प्रथम पटक आयोजना गरेको यस प्रतियोगितामा आठै वडाको सहभागिता रहेको छ। आज दिनभर भ‌एको उक्त प्रतियोगितामा वडा नं १, २, ३ र ४ ले नतिजा आफ्नो पक्षमा पार्न सफल भए भने बाँकी वडाको प्रयास भने भोलीको प्रतियोगिताको लागि रहनेछ ।

प्रतियोगितामा प्रथम पुरस्कार ४० हजार, द्वितिय पुरस्कार ३० हजार , तृतिय पुरस्कार २० हजार र सान्त्वना पुरस्कार १० हजार रुपयाँ रहने जनाईएको छ ।