गल्छीमा अन्तरवडा स्तरीय भलिबल प्रतियोगिता हुने

गल्छी खबर। धादिङको गल्छी गाउँपालिकामा अन्तर वडा स्तरीय खुल्ला पुरुष भलिबल प्रतियोगिता हुने भएको छ।

गल्छी गाउँपालिकाले प्रथम पटक आयोजना गरेको अन्तर वडा स्तरीय भलिबल प्रतियोगिता कात्तिक ०४ गते देखि ६ गते सम्म संचालन हुने जनाइएको छ ।

प्रतियोगितामा प्रथम पुरस्कार ४० हजार, द्वितिय पुरस्कार ३० हजार , तृतिय पुरस्कार २० हजार र सान्त्वना पुरस्कार १० हजार रुपयाँ रहने जनाईएको छ । 

प्रतियोगिता कात्तिक ०४ गते देखि गल्छी ८ छाङ्गेश्वर महादेव मन्दिर परिसरमा रहेको छाङ्गेश्वर खेल मैदानमा हुनेछ भने उक्त प्रतियोगितामा प्रत्येक वडा बाट १ भन्दा बढी टिम समाबेश हुन नपाउने जना‌ईएको छ ।

गल्छी गाउँपालिकाले आयोजना गरेको यस प्रतियोगिता सम्पन्न गर्न व्यवस्थापकीय भूमिका निर्वाह गर्न ईच्छुक समूह, क्लवहरु छन् भने गल्छी गाउँपालिकाको शिक्षा, युवा तथा खेलकुद शाखामा सम्पर्क गरी व्यस्थापन कार्य गरी सहयोग गरि दिन‌पनि आग्रह गरेको छ।

प्रतियोगिता सम्बन्धि थप जानकारी यस्तो रहेको छः 

टिम दर्ता गर्ने मिती:-२०७९/०७/०१ गते देखि २०७९/०७/०३ गते सम्म

खेलतालिका सार्वजनिक गर्ने मिती:-२०७९/०७/०३ गते

खेल सन्चालन हुने मिति:-२०७९/०७/०४ गते देखि २०७९/०७/०६ गते सम्म

विस्तृत जानकारी लागि :९८६१४९४१८४, ९८४३७७४८७१