जिल्ला स्तरीय गायन प्रतियोगितामा द राईजिङ भिलेज वोर्डिङ स्कुलका दाजु बहिनी नै प्रथम

गल्छी खबर । धादिङ जिल्ला स्तरीय गायन प्रतियोगितामा गल्छी गाउँपालिका स्थित द राईजिङ भिलेज बोर्डिङ स्कुलमा अध्ययनरत दाजु बहिनी नै प्रथम भएका छन् ।

प्याब्सन धादिङले आयोजना गरेको प्याब्सनमा आवद्ध विद्यालयहरुको जिल्ला स्तरीय गायन प्रतियोगितामा छात्रा र छात्र दुबैमा द राईजिङ भिलेज बोर्डिङ स्कुलका विद्यार्थी प्रथम भए भने अंक स्कोरको आधारमा पनि द राईजिङ भिलेज बोर्डिङ स्कुल नै प्रथम भएको थियो ।

द राईजिङ भिलेज बोर्डिङ स्कुलका छात्रा इरा गर्तौला र छात्र तर्फ दिलिप गर्तौला प्रथम भएका थिए। दुवै तर्फका प्रथम इरा र दिलिप दाजु बहिनी हुन्। द्विातियमा आधारशिला बोर्डिङ, तृतिय सुनगाभ एकेडेमी र सान्तोना एड्भान्स एकेडेमी भएको थियो ।