शिवदल गजुरी व्यारेक र आयोजक टिम फाईनल भिड्ने

गल्छी खबर, असोज ०८। युवा शक्ति सामुदायिक विकास समाज परिवारले आयोजना गरेको 7/A SIDE नकआउट फुटबल प्रतियोगितामा शिवदल गजुरी व्यारेक र आयोजक टिमले फाईनल यात्रा तय गरेको छ।

तस्बिर: शिवदल गजुरी व्यारेक टिम 

तस्बिर: युवा शक्ति सामुदायिक विकास समाज परिवार टिम

शिवदल गजुरी व्यारेक र गजुरी बीच भएको सेमीफाइनल खेल प्रतियोगितामा १-० को अन्तरले शिवदल गजुरी व्यारेक विजयी हुदै फाइनल पुगेको छ भने युवा शक्ति सामुदायिक विकास समाज परिवार र शुभारम्भ युवा समाज बीच भएको सेमीफाइनल प्रतियोगितामा २-० को अन्तरले युवा शक्ति सामुदायिक विकास समाज परिवार फाइनल पुगेको छ।

शिवदल गजुरी व्यारेक र गजुरी बीच भएको खेलको पहिलो हाफमा सरोज श्रेष्ठको १ गोलले अग्रता राखेको शिवदल गजुरी व्यारेकको त्यो नै निर्णायक गोल रह्यो।

त्यसैगरी युवा शक्ति सामुदायिक विकास समाज परिवार र शुभारम्भ युवा समाज बीच भएको खेलको पहिलो हाफमा विषम अधिकारीको १ गोलले अग्रता लिएको आयोजक टिमलाई अन्तिम समयमा अनिल मगरले १ गोल दिलाए।

फाइनल प्रतियोगिता भोली बिहान ०७:०० बजे गलौदी स्थित एन्फा मैदानमा हुने आयोजकले जनाएको छ।