गल्छीमा सडक दुर्घटना, दुर्घटनामा गल्छीका सबिनको मृत्यु

गल्छी खबर। पृथ्वी राजमार्ग अन्तर्गत धादिङको गल्छी गाउँपालिका वडा नं ७ बुद्ध पार्क नजिकै स्कुटर र हाईस दुर्घटना भएको छ । 

काठमाडौं जाँदै गरेको ग १ ख ३४३६ नम्बरको हाईसले प्रदेश ३-०२-०११प ५३२७ नम्बरको स्कुटरलाई ठक्कर दिँदा स्कुटरमा सवार १ जनाको मृत्यु भएको छ भने अर्को १ जना‌ घाईते भएका छन् । 

स्कुटरमा सवार धादिङ गल्छी गाउँपालिका वडा नं ६ का
अन्दाजी १९ वर्षिय सबिन रिजालको मृत्यु भएको छ भने गल्छी ७ का अमृत तामाङ घाईते भएका छन्। घाईते तामाङको अम्बी भरोषा अस्पतालमा सामान्य उपचार पछि थप उपचारका लागि काठमाडौं पठाइएको छ।