रामकुमार रिमालको आधुनिक गीत "मेरो नजिक" रिलिज

गल्छी खबर, भदौ - ३। धादिङ जिल्ला गल्छी गाउँपालिका वडा नं ६ का स्थानीय कलाकार रामकुमार रिमालले नयाँ आधुनिक गीत "मेरो नजिक" रिलिज गरेका छन्।

रिमाल उनी आफैंमा एक बहु प्रतिभासाली संगीतकार तथा गायक हुन्। उनले आधुनिक गीत मात्र नभएर लोक दोहोरी, भजन, गजल जस्ता विभिन्न गीत संगीत प्रस्तुति मार्फत आफ्ना श्रोता माझ जाने गरेका छन्। 

रिमालले "मेरो नजिक" नामक गीत उनको रामकुमार रिमाल अफिसियल नामक आफ्नै युट्युब च्यानलबाट रिलिज गरेका हुन् । 

रिमालले यो गीत भने भर्जिन स्टुडियोबाट रेकर्ड गरेका हुन्। आफ्नै लिरिक्स रहेको गीतको म्युजिक एरिन्ज सहस शाक्यले गरेका छन् भने मिक्सिङ्ग महेश्वर मान राजभण्डारीले गरेका छन्।

भिडियो भने छिट्टै बजारमा सार्वजनिक गर्ने उनले बताएका छन्। 

गीतको लिन्क तल ।