सक्सेस एकेडेमी प्रथम स्थानमा

गल्छी खबर असार १६ । जिल्ला स्वास्थ कार्यलय धादिङको प्रायोजन तथा गल्छी गाउँपालिकाको आयोजनामा सम्पन्न भएको माध्यामिक तहको "अन्तरमाध्यमिक विद्यालयस्तरी वक्तृत्वकला प्रतियोगितामा" प्रथम स्थानमा कक्षा १० मा अध्ययनरत छात्रा सारिका अधिकारी बिजय भएका छिन् ।

सारिका गल्छी गाउँपलिका वडा नं ६ स्थित सक्सेस एकेडेमीमा अध्ययनरत छात्रा हुन् । उनले विभिन्न वडा बाट आएका सहभागी ८ वटा विद्यालयका प्रतिस्पर्धीलाई पछि पार्दै प्रथम स्थान हासिल गरेकी हुन्।

त्यसैगरी द्वितीय: अमन्तालेवी मावि, गल्छी-५ ,तृतीय: वागेश्वरी मावि, गल्छी-६ र सान्त्वना: जनकल्याण मावि, गल्छी-४ भएको छ। कार्यक्रममा गल्छी गा.पा का अध्यक्ष केदारनाथ खतिवडा र उपाध्यक्ष भाईकाजी तिवारीले पुरस्कार वितरण गर्नु भएको थियोे ।