कलाकारको जम्बो टोलीलाई अध्यागमनले फर्कायो

 

सांगीतिक कार्यक्रमका लागि दुबई जान लागेका कलाकारको जम्बो टोलीलाई त्रिभुवन विमानस्थल अध्यागमन कार्यालयले फर्काएको छ ।  शुक्रबार ३५ जना कलाकारको टोली सांस्कृतिक कार्यक्रमका लागि दुबई जान लागेको थियो ।

ठूलो संख्यामा सांस्कृतिक कार्यक्रमका लागि भन्दै दुबई जान लागेको पाइएपछि शंका लागेर उनीहरुलाई फर्काइएको कार्यालयका सूचना अधिकारी खेमराज उपाध्याय जानकारी दिए ।

उनीहरुसँग गृह मन्त्रालयले तोकेको कागजपत्र र यूएईस्थित नेपाली राजदूतावासको ‘नो अब्जेक्सन लेटर’ समेत नभएको पाइएको उनले बताए । उनीहरु फ्लाइ दुबईको एफजेड-५७२ विमानबाट दुबई जान लागेका थिए ।