नुवाकोटमा बस दुर्घटना हुँदा ५६ जना घाइते

गल्छी खबर । नुवाकोटमा बस दुर्घटना हुँदा ५६ जना घाइते भएका छन्। 

किस्पाङ गाउँपालिका-३ किटनी बगर नजिकै बस दुर्घटना हुँदा ५६ जना घाइते भएको जिल्ला प्रहरी कार्यालय नुवाकोटका प्रहरी उपरीक्षक (एसपी) रामप्रसाद शाहले जानकारी दिए। 

उनका अनुसार आइतबार बिहान कृष्णा गाउँपालिका-१ साल्मेबाटबाट जाँदै गरेको बागमती प्रदेश ३-०१-०६ ख १५४१ नम्बरको बस किटनी बगर नजिक बाटोभन्दा २० मिटर तल खसेर दुर्घटना भएको हो।  

बस ओभरलोडका कारण अनियन्त्रित भएर दुर्घटना भएको उनले बताएका छन्। घाइते भएकाहरूको त्रिशूली अस्पतालमा उपचार भइरहेको एसपी शाहले बताएका छन्।

प्रहरीका अनुसार ७ जना गम्भीर घाइते छन्। उनीहरूमध्ये एक जनालाई हेलिकप्टरमार्फत् काठमाडौं लगिएको बताएका छन्। उनको ग्रान्डी अस्पतालमा उपचार भइरहेको बताएका छन्। गम्भीर घाइते थप दुई जनालाई पनि काठमाडौं हेलिकप्टरबाट ल्याउने तयारी भइरहेको बताएका छन्। बाँकी चार जनालाई एम्बुलेन्सबाट काठमाडौं लगेको बताएका छन्।