विमलको गोलमा मौरिसस विरुद्ध नेपाल विजयी

गल्छी खबर, माघ १५। मौरिससविरुद्धको पहिलो मैत्रीपूर्ण खेलमा चर्चित स्ट्राइकर विमल घर्ती मगरले घरेलु टोलीलाई अग्रता दिलाएका छन्। 

अफ्रिकी देश मौरिससविरुद्ध दशरथ रंगशालामा जारी खेलमा नेपालका लागि विमलले खेलको ५५ औँ मिनेटमा गोल गर्दै अग्रता दिलाएका हुन्। 

एक वर्ष लामो इन्जुरीपछि पुनरागमन गरेका विमलले पहिलो खेलमै गोल गरेर आफूलाई एक पटक फेरि अब्बल प्रमाणित गरेका छन्।

विमलले यससँगै देशका लागि नवौँ गोल पनि गरेका छन्। नेपालले अब मौरिससविरुद्ध दोस्रो मैत्रीपूर्ण खेल यही मंगलबार खेल्नेछ।

मिडफिल्डर सुदीप गुरुङले राष्ट्रिय फुटबल टिमबाट डेब्यू गरेका छन् । सातदाेबाटो युथ क्लबका सुदीप ८५ औं मिनेटमा मैदान प्रवेश गरेका हुन् । लिगमा राम्राे प्रदर्शन गरेका सुदीप पहिलाे पटक बन्द प्रशिक्षणमा पर्दै राष्ट्रिय टिममा समावेश भएका हुन् ।

शनिबार नेपाल र मरिससबीचको मैत्रीपूर्ण खेलमा उनले पहिलो पटक राष्ट्रिय टिमबाट खेल्न पाएका हुन् ।