'ए' डिभिजन लिग खेलाइरहेका फिफा रेफ्रीहरूले दिए सामूहिक राजीनामा

गल्छी खबर, मंसिर १६। शहीद स्मारक ए डिभिजन लिग खेलाइरहेका १० जना फिफा रेफ्रीले सामूहिक राजीनामा दिएका छन् ।

लिग चलिरहेको समयमा एन्फाले रेफ्रीहरूको 'फिटनेस टेस्ट' गर्ने नियम बनाएपछि उनीहरूले राजीनामा दिएका हुन् । आज १० जना रेफ्रीले अखिल नेपाल फुटबल सङ्घ (एन्फा) मा पुगेर सामूहिक राजीनामा दिएका हुन् ।

एन्फाका महासचिव इन्द्रमान तुलाधरले भने लिखित रूपमा ६ जनाको मात्रै राजीनामा आएको बताउनुभएको छ । रेफ्रीहरूले ए डिभिजन लिग खेलाइरहेको समयमा फिटनेस परीक्षण गर्न नसक्ने बताएका छन् ।

रेफ्रीहरूले नै राजीनामा दिएपछि भोलि शुक्रवारदेखि सुरु हुन लागेको लिगका तेस्रो चरणका खेल प्रभावित हुने देखिएको छ ।