दोस्रो धादिङ चेस प्रतियोगिता हुने

गल्छी खबर, मङ्सिर १०। धादिङको महादेवबेशीमा नेपाल चेस एसोसिएसनको आयोजनामा दोस्रो खुल्ला चेस प्रतियोगिता हुने भएको छ।

मङ्सिर १७ र १८ गते हुने उक्त प्रतियोगितामा देशभरका राष्ट्रिय एवं अन्तराष्ट्रिय खेलाडीहरुले भाग लिन पाउने छन्।

स्विस सिस्टम सेवन राउन्ड अनुसार खेलाईने उक्त प्रतियोगितामा रु १८७०००/- राशी पुरस्कारबाट २२ जना खेलाडी पुरस्कृत हुनेछन्। प्रथम हुनेलाई रु ३५०००/- प्रदान गरिने छ।

 

यहि मङ्सिर १५ गते भित्र दर्ता गरिसक्नुपर्ने उक्त प्रतियोगितामा महिला र अन्डर १९ लाई दर्ता शुल्क रु ५००/- राखिएको छ भने अन्यलाई रु १०००/- राखिएको छ । मङ्सिर १६ गते दर्ता हुन आउनेलाई ढिला दस्तुर बापत थप रु ५००/- मा दर्ता गराईने जानकारी धादिङ वुद्धिचाल सघंका अध्यक्ष विकास कार्कीले बताउनु भयो। 

कार्कीका अनुसार प्रतियोगितामा भाग लिने खेलाडीहरुलाई १६ र १७ गते फ्रिमा बस्ने व्यवस्था पनि गरिएको छ।