गल्छी खबर, असोज २३। कञ्चना देउराली युवा क्लब नुवाकोटको आयोजनामा चौथौं सेभेन-ए साईड अर्चले नकआउट फुटबल प्रतियोगिता भोलीदेखि सुरु हुने भएको छ ।
बडादशैंको अवसरमा बेलकोटगढी नगरपालिका-६ देउरालीमा रहेको घेदुङ खेल मैदानमा यहि असोज २४ गते (भोली) देखि २६ गतेसम्म नकआउट चरणमा फुटबल खेल हुने कञ्चना देउराली युवा क्लवका कोषाध्यक्ष प्रदिप नेपालले जानकारी दिए ।
प्रतियोगितामा सहभागिताको लागि असोज २२(हिजो) सम्म म्याद रहेको र जम्मा १६ टिम दर्ता भएको नेपालले बताए।
कन्चना देउराली युवा क्लव नुवाकोटले यो प्रतियोगिता चौथौं पटक आयोजना गरेको हो जसमा आयोजकको रुपमा चौथो अर्चले नुवाकोट फुटबल प्रतियोगिता २०७८ समिति, लायन्स क्लब अफ काठमाडौं परोपकार र लियो क्लब अफ नुवाकोट परोपकार पनि रहेका छन्।
नेपालले बताए अनुसार खेलमा प्रथम हुनेले ३० हजार रुपैयाँ बराबरको खसी र द्वितिय हुनेलाई १० हजार रुपैंयाँ नगद पुरस्कार प्राप्त गर्नेछन्। विजेताहरुले नगद सहित मेडल र प्रमाणपत्र प्राप्त गर्ने छन् ।
प्रतियोगिताको बारेमा थप जानकारीको लागि प्रतियोगिता संयोजक प्रशन्न थिङ्गलाई ९८२३२२४०७२ सम्पर्क गर्न सकिने छ ।
खुल्ला फुटबल प्रतियोगिता भएकोले देशभरी कै हरेक जिल्ला क्लबहरुले सहभागिता जनाउन सकिने जनाएको छ ।
0 Comments