गल्छी गा.पा.ले जेष्ठ नागरिकलाई गर्यो सम्मान

गल्छी खबर, असोज २०। गल्छी गाउँपालिकाद्वारा आज २०७८ असार ३० गते सम्म ७५ बर्ष पुगेका जेष्ठ नागरिकहरुलाई सम्मान गरेको छ।

गल्छी गाँउपालिकाले आयोजना गरेको उक्त कार्यक्रममा गल्छीगाँउपालिका अध्यक्ष कृष्ण हरि श्रेष्ठ, उपाध्यक्ष राधा तिमल्सिना एवं ४ नं वडाका वडा अध्यक्ष राजु अधिकारीले गल्छी गाँउपालिका वडा नं ४ स्थित १४५ जेष्ठ नागरिकहरुलाई सम्मान गरिएको साथै उहाँहरुलाई झुल र ब्ल्याङ्केट पनि वितरण गरिएको जानकारी उपाध्यक्ष राधा तिमल्सिनाले दिनुभयो।

तिमल्सिनाको अनुसार छुट भएका अन्य जेष्ठ नागरिकहरुलाई पनि अर्को कार्यक्रम गर्दै सम्मान गर्ने आयोजना रहेको जानकारी दिनुभयो । गल्छी गाँउपालिकाले यस अघि पनि जेष्ठ नागरिक दिवसको अवसर पारेर गल्छी गाँउपालिकाको वडा ६ स्थित अम्लेश्वर महादेव मन्दिरको परिसरमा सम्मान कार्यक्रम गरेको थियो।