समाज विकासका निम्ति श्री शिवशक्ति युवा समाज गल्छीमा

गल्छी खबर, असोज १९। समाज विकासमा युवाको साथ र सहयोगको आवश्यकता देखेर गल्छी गा.पा. वडा नं १ का युवाहरु मिलि श्री शिवशक्ति युवा समाज गल्छीमा कार्यक्षेत्र रहने गरेर दर्ता भएको छ ।

श्री शिवशक्ति युवा समाजले गाउँलाई नयाँ दिशामा लाने र राजनैतिक खिचातानीबाट अलग रहेर समाज र राष्ट्रको विकासमा एक नेतृत्वदायी र समन्वयकारी भूमिका निर्वाह गर्ने र यसका लागि देश विदेशमा रहनुहुने सम्पूर्ण महानुभावहरुको साथ सहयोगको आवश्यकता रहेको समाजका सल्लाहकार राजु गिरी बताउछन्। 

कुनै पनि प्रकारको सहयोग गर्न इच्छुक व्यक्ति, संघ संस्था, निकायहरुलाई सहयोग गर्न आग्रह गर्दै उहाँहरुको सहयोगलाई उहाँहरुले चाहे अनुसार सदुपयोग गर्न समन्वय र नेतृत्व दिने र समाजमा राम्रो काम गरि स्थापित हुन यस युवा समाजले पूर्ण रूपमा साथ र सहयोग गर्ने गिरी बताउँछन् ।

विधिवत रुपमा संचालनमा आउन लागेको यस समाजले आज समाज कल्याण परिषद्मा दर्ता गरेको छ भने यस समाजको ११ कार्यसमिति रहेको छ जसको नेतृत्व दिपेन्द्र कु नगरकोटीले गर्ने भएका छन् ।समाजलाई आवश्यक सहजताको निम्ति सुब्बा श्रेष्ठको संयोजकमा सल्लाहकार समिति पनि निर्माण गरिएको छ ।