गल्छी गा.पा.ले जेष्ठ नागरिकलाई गर्ने भयो सम्मान

गल्छी खबर, असोज १३। गल्छी गाँउपालिकाले जेष्ठ नागरिकहरुलाई असोज १५ गते सम्मान गर्ने भएको छ। 

गल्छी गाँउपालिका वडा नं ६ महेश दोभानमा रहेको अम्लेश्वर महादेव मन्दिरको परिसरमा जेष्ठ नागरिक दिवसको अवसर पारेर गल्छी गाँउपालिकाको वडा नं ४,६ र ७ का २०७८ आषाढ मसान्त भित्र ७५ र सो भन्दा माथिको उमेर पुगेका सम्पूर्ण जेष्ठ नागरिकलाई सम्मान गर्ने कार्यक्रम रहेको जानकारी गल्छी गाउँपालिकाले सूचना प्रकाशित गर्दै दिएको छ।

सम्मानको लागि उल्लेखित उमेर पुगेका जेष्ठ नागरिकहरुलाई उमेर खुल्ने प्रमाण सहित उपस्थित हुन आह्वान गरेको छ।