बैरेनी युवा समूहले अनुशासन नभएको भन्दै निष्कासन गर्यो ४ खेलाडी

गल्छी खबर श्रावण २८। बैरेनी युवा समूहले अनुशासन भन्दा बाहिर गएको भन्दै ४ जना खेलाडीलाई कारवाही गरी निस्कासन गरेको छ। 

अखिल नेपाल फुटबल संघ (एन्फा) ले सहिद स्मारक सी डिभिजन लिग फुटबल प्रतियोगिताको लागि छनोट प्रतियोगिता भाद्र १० गते देखि गर्ने जनाए सँगै करिब १०० जना खेलाडी मध्य बैरेनी युवा समूहबाट उक्त प्रतियोगितामा सहभागि हुने २२ खेलाडीहरु २१ गते छनोट गरेको थियो ।

क्लोज क्याम्पमा राखिएको ६ खेलाडीहरु ट्रेनिङमा उपस्थित नभएपछि स्पस्टीकरण सोधिएको थियो सो स्पस्टीकरणबाट २ जनाले विरामी भएको भनि समस्या बताए पछि विरामी विदा दिईएको र बाँकी ४ जना खेलाडीहरुले चित्तबुझ्दो कारण नदिएकोले यो पटक बैरेनी युवा समूहबाट सी डिभिजन छनोट प्रतियोगितामा खेल खेल्न नपाउने गरी निष्कासन गरिएको जानकारी प्रशिक्षक जितेन्द्र जितेन्द्रले गल्छी खबरलाई बताए। 

बैरेनी युवा समूहले निष्कासन गरेको खेलाडीको नाम र ठेगाना

१, शैलेन्द्र लामा (मलेखु) 

२, रामकृष्ण मगर (मलेखु) 

३, विजय लामा (मलेखु) 

४, विरेन्द्र तामाङ (धादिङ)