गल्छी खबर । धादिङ जिल्ला नेत्रावती गा.पा- १ कैचले बजारमा सार्वजनिक जग्गामा सरकारी स्वीकृती तथा सम्झौता बेगर व्यापारिक प्रयोजनार्थ बनाईएको अस्थाई घर,टहरा नेत्रावती गा.पा.कार्यालयले हटाउनकाे क्रममा स्थानीयले ढुङ्गा मुढा प्रहार गरेका छन्।
जि.प्र.का धादिङबाट प्र.नि को कमाण्डमा २१ जनाको टोली र सशस्त्र प्रहरी वल नेपाल आश्रित गुल्म धादिङबाट स.प्र.नि को कमाण्डमा ११ जनाको टोली खटि गई घर टहरा हटाउन खाेज्दा बेलुका ६ बजेकाे समयमा ५०/६० जना स्थानिय मानिसहरु भेला भई ढुङ्गा मुढा गर्दा प्र.चौ.मैदी धादिङ दरबन्दी भई ई.प्र.का.दार्खा धादिङमा कार्यरत प्र.ज.सुर्य थापाको टाउकोमा समेत चोट लागी स्थानिय मेडिकलमा उपचार भई रहेको छ र अर्का JCB चालक धादिङ जिल्ला सिद्धलेक गा.पा.५ बस्ने बर्ष २० को दिनेश श्रेष्ठ घाईते भई उपचारको लागी जिल्ला अस्पताल धादिङ पठाईएको छ भने घर टहरा हटाउन प्रयोग गरीएको बा २ क ९०९७ नं.को JCB को पनि ढुङ्गा मुढा हुदा सिसा फुटेकाे छ। आजको लागी घर टहरा भत्काउने काम स्थगित भएको छ।
0 Comments