मकवानपुरमा खोलाले बगाउँदा दम्पतीको मृत्यु

 ११ असाेज, हेटाैंडा । मकवानपुरमा सामरी खाेलाले बगाउँदा आइतबार एक दम्पतीकाे मृत्यु भएकाे छ । मृत्यु हुनेमा मकवानपुरगढी गाउँपालिका-६ का ६२ वर्षीय ज्ञानबहादुर परियार र उनकी ६१ वर्षीया श्रीमती तुलसा परियार रहेको मकवानपुर प्रहरीले जनाएको छ ।

मकवानपुरगढी गाउँपालिकाकाे झल्ला भन्ने ठाउँमा सामरी खोला तर्ने क्रममा आइतबार बिहान उनीहरुलाई खोलाले बगाएको थियो । प्रहरीका अनुसार मकवानपुरगढी गाउँपालिकाकाे वडानम्बर ३ नम्बरतर्फ उनीहरु हिँडेका थिए ।