सिन्धुपाल्चोकको यमुनाडाँडामा हेलिकोप्टर दुर्घटना, चारको मृत्यु

१९ जेठ, काठमाडौं । सिन्धुपाल्चोकको यमुनाडाँडामा माउन्टेन एयरको हेलिकोप्टर दुर्घटना भएको छ । हेलिकोप्टर बलेफी नजिक यमुनाडाँडामा खसेको हो । दुर्घटनास्थल बदेफी पुलबाट एक मिलोमिटरमाथि डाँडामा पर्छ । प्रारम्भीक जानकारी अनुसार बिजुलीको हाइटेन्सन तारमा अल्झिएर हेलिकोप्टर दुर्घटना भएको हो । घटनास्थलमा चार जनाको शव भेटिएको छ । तीन पुरुष र एक महिलाको शव भेटिएको छ । घटनास्थलमा सीमा सुरक्षा बल सिन्धुपाल्चोकबाट टोली पुगेको छ । माउन्टेन एयरका अनुसार हेलिकोप्टरमा मेडिकल टीम थियो । विहान छोडेर आएको मेडिकल टीम लिएर आउने क्रममा हेलिकोप्टर दुर्घटनामा परेको बताइएको छ । थप विस्तृत विवरण आउन बाँकी छ ।