एसएलसीमा ४७.४३ प्रतिशत उत्तीर्ण

एसएलसी २०७१ को नतिजा सार्वजनिक भएको छ। परीक्षा नियन्त्रण कार्यालयका अनुसार यस वर्ष ४७.४३ प्रतिशत परीक्षार्थी उत्तीर्ण भएका छन्। नियमिततर्फ एक लाख ९२ हजार २ सय ६७ जना उत्तीर्ण भएका छन्। आंशिकतर्फ भने १८ हजार ७ सय ७८ जना उत्तीर्ण भएका छन्। - 

यस वर्ष एसएलसीमा ५ लाख ७४ हजार ६ सय ८५ मध्ये नियमिततर्फ ४ लाख ५ हजार ५ सय ३८ र आंशिकतर्फ १ लाख ३६ हजार ५१ जना सहभागी थिए। प्राविधिकतर्फ ३ हजार ३ सय ८८ विद्यार्थी सहभागी थिए। परीक्षा गत वर्ष चैत ५ देखि १३ गतेसम्म सञ्चालन भएको थियो।

गत वर्ष जेठ ३० गते नतिजा सार्वजनिक भए पनि यसवर्ष भूकम्पले गर्दा केही ढिला भएको हो।