खुलामञ्चमा विप्लवलाई प्रश्न सोध्न खोज्ने कुटिए

३ जेठ, काठमाडौं । नेकपा माओवादीका महासचिव नेत्रविक्रम चन्द विप्लवलाई प्रश्न सोध्न खोज्दा खुलामञ्चमा एक प्रश्नकर्ता कुटिएका छन् ।

भूकम्प पछि आफूले गरेको कामबारे जानकारी दिन विप्लवले खुलामञ्चमा पत्रकार सम्मेलन गरेका थिए । जहाँ सन्चारकर्मीका साथै सर्बसाधारण समेत जम्मा भएका थिए ।

पत्रकार सम्मेलनका क्रममा एक व्यक्तिले प्रश्न सोध्न खोज्नासाथ नजिकै रहेका विप्लवका कार्यकर्ताहरुले मरणासन्न हुने गरी कुटेका छन् । प्रहरीले उनलाई उद्धार गरी अस्पताल पुर्‍याएको छ । उनी पत्रकार हुन् वा सर्बसाधारण भन्ने खुलेको छैन ।