भूकम्प प्रतिरोधी घर बनाउन तालिम

३ जेठ, काठमाडौं । सरकारले भूकम्प प्रतिरोधी घर बनाउन तालिम दिने भएको छ । उद्योगमन्त्री महेश बस्नेतले घरेलु तथा साना उद्योग विभागमार्फत तालिम दिने व्यवस्था मिलाइएको जानकारी दिएको नयाँ पत्रिकामा खबर छ ।

उद्योग मन्त्रालयले भूकम्प पतिरोधी घर बनाउन सिकर्मी, डकर्मी, प्लम्बरलगायतको तालिम दिन लागेको हो । ‘अहिले तालिमको मोडालिटी बनिरहेको छ,’ मन्त्री बस्नेतले भने, ‘सकेसम्म चाँडै तालिम सञ्चालन गर्नेछौं ।’ तालिम क-कसलाई कहाँ दिनेलगायतको मोडालिटी बनाउने गृहकार्य भइरहेको उनले बताए ।

युवालाई कपाल काट्ने तालिमको व्यवस्थासमेत गर्न लागेको मन्त्री बस्नेतले जानकारी दिए ।