मंगलबारको भूकम्पबाट मर्नेको संख्या ७६ पुग्‍यो

काठमाडौं-मङ्गलबार गएको शक्तिशाली भूकम्पपछि हालसम्म ७६ जनाको मृत्यु भएको छ भने दुई हजार ३६४ जना घाइते भएका छन्। नेपाल प्रहरीका प्रवक्ता प्रहरी नायब महानिरीक्षक कमल सिंह बमका अनुसार मङ्गलबार गएको शक्तिशाली भूकम्पपछि मुलुकभर मृत्यु हुनेको सङ्ख्या ७६ पुगेको छ।

भूकम्पपछि गम्भीर घाइतेमध्ये २५ जनालाई आजै सिन्धुपाल्चोक, रामेछाप र दोलखाबाट हेलिकप्टर मार्फत काठमाडौँ ल्याई विभिन्न अस्पतालमा उपचार भइरहेको छ।

साथै, भूकम्पप्रभावित क्षेत्रमा उद्धारका लागि दोलखा गएको अमेरिकी सेनाको हेलिकप्टर मङ्गलबार अपराह्नदेखि सम्पर्कविहीन भएकोमा हालसम्म पनि कुनै सम्पर्क नभएको प्रवक्ता बलले जानकारी दिए।

उनले सो हेलिकप्टर दोलखाको सुनखानी आसपासको क्षेत्रमा हुनसक्ने आशङ्कामा खोजीकार्यका लागि अन्य हेलिकप्टर र स्थलगत रुपमा त्यसतर्फ सुरक्षाकर्मीहरु परिचालन गरिएको बताए। रासस