मंगलबारको भूकम्पमा ६१ को मृत्यु

काठमाडौ, वैशाख २९ - मंगलबारको भूकम्पमा परी ११ जिल्लाका ६१ जनाको मृत्यु भएको छ । मृत्यु हुनेको संख्या दोखलामा सबैभन्दा बढी छ । दोखलामा ३४ जनाको मृत्यु भएको जिल्ला प्रहरी कार्यालय दोलखाले जनाएको छ ।

मंगलबार दिउँसो १२:५० बजे सिन्धुपाल्चोकलाई केन्द्रविन्दु बनाएर ६ दशमलब ८ रेक्टर स्केलको भूकम्प गएको थियो । बैशाख १२ गते महाभूकम्प गएपछि भएको एक सय बढी पराकम्पनपछि अर्को शक्तिशाली भूकम्प गएको हो ।

भूकम्पमा परी देशभर ११ सय बढी घाइते भएको प्रहरीले जनाएको छ ।

यसअघि बैशाख १२ गते आएको भूकम्पमा मर्नेको संख्या ८ हजार नाघिसकेको छ ।

जिल्ला र मृतक संख्या

दोलखा ३४

सिन्धुपाल्चोक ११

काठमाडौ ४

रामेछाप ४

सिन्धुली २

ललितपुर १

धनुषा १

सर्लाही १

सुनसरी १

रौतहट १

गोरखा १