धादिङमा बसको ठक्करबाट पैदलयात्रीको मृत्यु

११ चैत, धादिङवेशी । पृथ्वी राजमार्ग अन्तर्गत धादिङको बेनिघाटमा बुधबार बिहान बसको ठक्करबाट एक महिलाको मृत्यु भएको छ । मृत्यु हुनेमा २८ वर्षीया लक्ष्मी गुरुङ छिन् ।
सडक किनारमा हिँडिरहेकोबेला गुरुङलाई ना ५ ख ४१६३ नम्बरको बसले बिहान ८ बजे ठक्कर दिएको थियो । बस काठमाडौंबाट झापाको काँकडभिट्टातर्फ जाँदै थियो ।
बसको ठक्करबाट गुरुङको घटनास्थलमै मृत्यु भएको इलाका प्रहरी कार्यालय गजुरीका प्रहरी निरीक्षक हेमन्त भण्डारीले जानकारी दिए ।
घटनापछि बजारवासीले राजमार्ग अवरुद्ध गरेका थिए । प्रहरी, बजारवासी, पीडित पक्षसमेतको छलफलपछि क्षतिपूर्ति दिने सहमतिमा डेढ घन्टापछि राजमार्ग खुलाइएको थियो ।