नेपाल टेलिकमले एसएलसी दिएका विद्यार्थीलाई सहुलियत दरमा सिम

टेलिकमले देशभरका विद्यार्थीलाई सहुलियत दरमा सिमकार्ड उपलब्ध गराउने उद्देश्यसहित मुलुकभर यो योजना लागू गरेको जनाएको छ । सहुलियत योजनामा विद्यार्थीले सय रुपैयाँ बराबरको टक भ्याल्यु र सय मेगावाइट डाटा भएको सिमकार्ड सय रुपैयाँमा खरिद गर्न पाउनेछन् । मोबाइल सेवामा यूवा पुस्ताको आकर्षण बढ्दै गइरहेको हुँदा सहुलियत दरमा सिमकार्ड उपलब्ध गराएको कम्पनीले जनाएको छ । सहुलियत दरमा सिमकार्ड लिनका लागि विद्यार्थीहरुले एसएलसीको प्रवेशपत्र, आफ्नो वा अभिभावकको नागरिकता र सरकारबाट जारी गरिएको परिचय पत्रको प्रतिलिपि पेश गर्नुपर्नेछ ।