टी-२० क्रिकेटमा पारसको ब्याटिङ

६ चैत, काठमाडौं । नेपाली कप्तान पारस खड्काले युवराज सिंहसहितको मेरिलबोन क्रिकेट क्लब (एमएमसी) बाट इमिरेट्स टी-२० क्रिकेट प्रतियोगिता खेलेका छन् । तर, पारसको टीम एमएमसी ससेक्ससँग १९ रनले पराजित भएको छ । पारसको टीममा इंग्लयाण्डका एलिस्टर कुक पनि थिए ।



ससेक्सले प्रस्तुत गरेको १६५ रनको लक्ष्य पछ्याएको एमएमसीले ९ विकेटको क्षतिमा १४ रन बनायो । उसका लागि कुकले ३५ रन जोडे । सातौं नम्बरमा ब्याटिङ गर्न आएका पारस खड्काले मात्र ६ रन बनाए । उनले नेपालको राष्ट्रिय झण्ड अंकित हेलमेट लगाएका थिए । पारसले २ ओभर बलिङ समेत गरेका थिए । तर, विकेट भने लिन सकेनन् ।