मनिषा कोइराला अब नयाँ लुक्समा

मनिषा कोइरालाको बोल्ड अभिनय हेरेर रमाउने दर्शकका लागि खुसीको खबर । चाँडै उनले अभिनय गरेको फिल्म रिलिज हुँदैछ । जुन फिल्ममा मनिषा बोल्ड भुमिकामा प्रस्तुत भएकी छिन् । ‘मर्डर मिष्ट्री’मा आधारित भनिएको फिल्म ‘गेम’ मा मुख्य भुमिका निर्वाह गरेकी मनिषाले ट्वीटर मार्फत केही थान तस्बिर सार्वजनिक गरेकी छिन् । तमिल एवं कन्नड भाषामा निर्माण भईरहेको फिल्मको विषयवारे उनले खासै खुलाएकी छैनन् । उनले यति भनेकी छिन् ‘मलाई फेरी पुरानो दिनको याद आउन थाल्यो ।’ एमएमआर रोशनको निर्देशनमा बनेको यस फिल्ममा अर्जुन सर्जा र सामको अभिनय रहेको छ ।

नेपाली ब्यबसायी सम्राट दाहालसँग बिबाह गरे लगत्तै फिल्मकर्मवाट टाढिएकी मनिषालाई पाठेघरको क्यान्सरले सताएको थियो । पाठेघरको क्यान्सरको अमेरिकामा उपचार गरेर फर्केपछि नयाँ जीवन पाएको धारणा सार्वजनिक गरेकी मनिषा पुनः फिल्ममा सक्रिय हुन थालेकी छिन् ।