पाेखरामा पनि आगलागी

पोखरा, चैत्र १२ - पाेखराकाे न्युरोडमा एक भवनमा बिहीबार बिहान भएको आगलागी ३ घन्टाको प्रयासपछि नियन्त्रणमा आएको छ । आगलागीबाट उक्त भवनमा रहेका कार्पेट र रंग पसल ध्वस्त भएको छ । अग्नि नियन्त्रक, प्रहरी, सशस्त्र र सेना आगो निभाउन खटिएका हुन् । निभाउन बेलैमा सक्रियताका कारण सँगैको अर्को भवनमा रहेको गण्डकी विकास बैंकमा आगो फैलन पाएन । विद्युत सर्ट भइ सुरु भएको हुन सक्ने अनुमान गरिएको घटनाको क्षतिको पूर्ण विवरण आउन बाँकी रहेको प्रहरीले जनाएको छ ।