कसले जित्ला लडाईं ? शाहरुख र सलमानको कब्जामा, मुख्य पर्वहरु

मुम्बई । यतिबेला बलिउड उद्योगमा मुख्य दुई हस्ती हुन् शाहरुख खान र सलमान खान । हरेक बर्ष उनीहरुले उम्दा फिल्म दिइरहेका छन जसले औसतमा दुई सय करोड भन्दा धेरै ब्यापार गर्छन् । सन् २०१५ र सन् २०१६ का मुख्य चाडपर्व पनि यी दुई खानले कब्जा गर्ने भएका छन् । दुवैले यो बर्ष दुई-दुईवटा फिल्म रिलिज गर्दैर्छन् । यी दुईका फिल्म एकसाथ रिलिज नभएपनि बजारमा कसले बढि कमाउने भन्ने प्रतिस्पर्धा हुँदै आएको छ ।

जस्तो कि, शाहरुखको नयाँ फिल्म ‘फ्यान’ बकर इदका अबसरमा रिलिज हुँदै छ जुन सेप्टेम्बर २३ तारिखमा पर्छ । यस्तै काजोलसँग जोडी बाँधिएको फिल्म ‘दिलवाले’ क्रिसमसका बेला रिलिज हुने बताइएको छ ।

सलमान खानको ‘बजरङ्गी भाइजान’ इदको अबसरमा जुलाई महिनामा रिलिज हुँदैछ । यसैगरी ‘प्रेम रतन धन पाओ’ चाहिँ दिपावलीको अबसरमा रिलिज हुँदैछ ।

यो बर्षमात्र हैन, यी दुई खानले सन् २०१६ का लागि पनि आ-आफ्ना चाडपर्व बुक गरिसकेका छन् । अर्का खान अर्थात अमिरले पनि नयाँ बर्ष आसपासमा फिल्म रिलिज गर्ने तयारी गर्दैछन् ।

तर, यी दुईको फिल्म एकैसाथ रिलिज भयो भने त्यस्तो अबस्थामा कसले बाजी मार्ला ?

सन् २०१६को इदमा सलमानको ‘सुल्तान’ फिल्म र शाहरुखको ‘राइज’ एक आपसमा जुध्न सक्ने बलिउड बिश्लेषकहरुले बताएका छन् । त्यसो भएमा यी दुईको भिडन्त सिधै बक्स अफिसमा देखिने छ ।